بالافرێن شەری یێن ترکیا ئیرۆ رۆژا شەمبی 8/5/2021ێ ژ بەر ھەبوونا بارەگەھێن پەکەکێ چیایێ ئاسۆس ل قەزایا ماوەتێ یا سەر ب سلێمانیێ بۆردوومان کر.
چاڤکانیێن پێگەها دارکا مازی ل باشوورێ کوردستانێ ئەشکەرە کر، ئیرۆ رۆژا شەمبی چیایێ ئاسۆس یێ ھەرێما خرۆلی کانی کنێر و کەلکی شیلانان نێزیکی گەلالەیێ یا سەر ب قەزایا ماوەتێ ژ ئالیێ فرۆکەیێن شەری یێن ترکیا ھاتنە بۆردوومانکرن.
ھەروھا ئەشکەرە کر، ھیچ زیانەکا جانی ژ بەر بۆردوومانێ چێنەبوویە و ترس ل ناڤا شێنیێن گوندێن ناڤچەیێ چێبوویە. ھەروھا چەند جۆتکارێن گوندێ گەلالەیێ نێزیکی جھێ بۆردوومانێ بوونە.
ئەڤ چار سالە چیایێ ئاسۆسێ ژ بەر ھەبوونا باراگەھێن پەکەکێ ب گرانی تێ بۆردوومانکرن.
