تركیێ ل گاره‌ی هێرشا په‌كه‌كێ كر
باله‌فرێن ده‌وله‌تا تركیێ ل چیایێ گاره‌ی یێ باشوورێ كوردستانێ ئێریشا چه‌كدارێن په‌كه‌كێ كر و 8 چه‌كدار هاتن هه‌ده‌ف كرن.
وه‌زاره‌تا به‌رگریێ یا تركیێ ئیرۆ دیمه‌نێن ئێریشه‌كه نوو یا سه‌ر چیایێ گاره‌ی ل باشوورێ كوردستانێ به‌لاڤ كر، د ڤێ ئێریشێ ده هاتییه راگهاندن كو 8 چه‌كدارێن په‌كه‌كێ هاتنه هه‌ده‌ف كرن.
ل گۆری دیمه‌نێن كو هاتنه پارڤه‌كرن، باله‌فرێن جه‌نگێ رۆكه‌ت ل چیایێ گاره ره‌شاندنه و ئاگر و دۆمانه‌كه پر مه‌زن ل جیێ كه‌تنا رۆكه‌تان به‌رز بوویه.
هه‌ر ئیرۆ مه‌دیا په‌كه‌كێ هنه‌ك نووچه پارڤه‌كرنه و تێده ئه‌شكه‌ره كر كو وان ژی هه‌ژماره‌كه عه‌سكه‌رێن ترك جه‌زا كرنه و بێی كو بێژن كانێ هاتنه كوشتن یان بریندار كرن.
