سکێرتێرێ گشتی یێ پەدەکە-باکور دەست ژ کار کێشا

پارتیا دەمۆکراتا کوردستانێ ل باکور (پەدەکە-باکور) راگھاند سەکرەتەرێ گشتی یێ پارتیێ در. یووسف زیا داخوازا دەست ژ کار بەردانا ژ ئەرکێ خوە کریە و ئەو داخوازا وی ھاتیە پەژراندن.

ئیرۆ رۆژا یەکشەمبی 9/5/2021ێ پەدەکە-باکور ب داخویانیەکێ راگھاند کو جڤاتا پارتیێ، ل سەر بانگا سکێرتێرێ گشتی در. یووسف زیا، رۆژا 6ێ گولانا 2021ێ ب بەشداربوونا ھەمی ئەندامێن جڤاتێ جڤینەکا ئاوارتە ل دار خستیە.

ل گۆر داخویانیێ د جڤینێ دا رەوشا گشتی یا کوردستانێ و پارتیا وان ھاتیە نیقاشکرن و 3 بریارێن سەرەکی ب یەکدەنگی ھاتنە ستاندن.

ئەو بریارێن ھایتنە پەسەندکرن ئەڤەنە: “داخوازا سەکرەتەرێ گشتی یێ پارتیێ در. یووسف زییا بۆ دەست ژ کاربەردانا کاری ھاتیە پەسەندکرن. باوەر ئوجامان وەکی سەکرەتەرێ گشتی یێ نوو ھاتیە ھلبژارتن.  پارتی دێ گرانیێ دەتە رێخستنێ و ژ بۆ ڤێ ئارمانجێ دێ خەباتەکا بەرفرەھ ب رێ ڤە بەر.”