خه‌تیبزاده: ئەوێ بەشداری د کوشتنا سولەیمانی دا كربیت، دێ سزا ده‌ین
بەردەڤکێ وەزارەتا دەرڤە یا ئیرانێ راگه‌ھاند، ئەوێ ب ئاوایەکی راستەراست یان نە راستەراست بەشداری د کوشتنا قاسم سولەیمانی دا کربیت، دێ بەرپرسیارییا خوە یا یاسایی و جەزاکرنێ ھه‌لگریت و لێکۆلین ژی د وێ بوویەرێ دا بەردەوامە.
ئاژانسا نووچەیان یا فەرمی یا ئیرانێ بەلاڤ کر، بەردەڤکێ وەزارەتا دەرڤەیا ئیرانێ سەید خەتیبزادە د کۆنفرانسا رۆژنامەڤانییا حەفتیانە دا بەحسا ناڤەرۆکا راپۆرتا YahooNews یا ئه‌مەریکی یا دەربارێ بەشدارییا دژە-تەرۆرا یه‌نه‌كێ CTG د کوشتنا فەرماندارێ سوپایا قودسێ یا پاسدارێن ئیرانێ قاسم سولەیمانی دا کر و راگه‌ھاند، ھەر کەسێ ب ئاوایەکی راستەراست یان نە راستەراست بەشداری د کوشتنا قاسم سولەیمانی دا کربیت، دێ بەرپرسیارییا خوە یا یاسایی و جەزاکرنێ هه‌لگریت.
خەتیبزادە تەکەز کر، لێکۆلین د دۆسیا کوشتنا قاسم سولەیمانی دا ژ ئالیێ دەستھلاتێن دادوەری و رێخستنێن ناڤدەولەتی ڤە بەردەوامن، د وارێ سیاسی، یاسایی و ئەولەھیێ دا ژی ئەو ل گەل ئالیێن ئیراقی ل سه‌ر خه‌تن.
مالپەرا Yahoo News یا ئه‌مەریکی، دەربارێ کوشتنا قاسم سولەیمانی دا د راپۆرتەکێ دا بەلاڤ کر، قاسم سولەیمانی رۆژا 3ێ كانوونا دوویه‌مین یا 2020ێ ل نێزیکی باله‌فرخانه‌یا به‌غدایێ ژ ئالیێ باله‌فره‌كه درۆن یا ئه‌مەریکی ڤە ھات کوشتن و دیار کر کو رۆلا دژە-تەرۆرا یه‌نه‌كێ د بوویەرێ دا ھەبوو کو چەند کەسان ھەڤکاری ب تیمێن دەلتا یێن ئه‌مەریکی کرینه.
