وەزارەتا دەرڤەیا ئیرانێ ژ بەر خوەپێشاندانێن ل کەربەلا و ئێریشکرنا سەر کۆنسولخانەیا کۆمارا ئیسلامی یا ئیرانێ، بالیۆزێ ئیراقێ یێ ل تەھرانێ بانگی وەزارەتێ کر، دا کو نامەیەکا نەرازیبوونێ بدەتێ.
دوھی رۆژا یەکشەمێ 9ێ گولانا 2021ێ، خوەپێشاندەرێن کەربەلا ئێریش کرنە سەر کۆنسولخانەیا ئیرانێ و ئاگر ل دەردۆرا کۆنسولخانەیێ بەردا.
وەزارەتا دەرڤەیا کۆمارا ئیسلامی یا ئیرانێ راگھاندیە کو ل گۆر رێکەفتنا ڤیەنایا سالا 1963یێ، دڤێت حکوومەت شاند و دیپلۆماتکارێن مێڤان بپارێزیت.
بالیۆزێ ئراقێ یێ ل تەھرانێ بەرسڤ دایە وەزارەتا دەرڤەیا ئیرانێ و دیار کریە کو وەلاتێ وی پابەندە ب پاراستنا شاندێن دیپلۆماسی.
دوھی ل کەربەلا چالاکڤانێ ئیراقی ئیھاب وەزنی ھاتە کوشتن و پشترا خوەپێشاندان دەرکەتن. خوەپێشاندەر چوون بەر کۆنسولخانەیا ئیرانێ و ئاگر ل دەردۆرا وێ بەردان.
