شێورمەندێ تایبەتێ نەتەوەیێن یەکبوویی، ئەنجاما راپۆرتا تیما ڤەکۆلینێ یا نەتەوێن یەکبوویی (UNITED) ژ جڤاتا ئەولەکاریێ را پێشکێش کر و دیار کر، کریارێن داعشێ یێن دژی ئێزیدییان جینۆسایده.
کەریم ئهسعهد ئهحمهد خان ل گۆر راپۆرتا نهتهوێن یهكبوویی دیار كر، تیما UNITED ب بەرفرەھی ڤەکۆلینا کریارێن خەراب یێن دژی ئێزیدییان کر، ژ کاربدەستێن ئیراقێ، ھەرێما کوردستانێ و رێخستنێن NGO ب ھەزاران داخویانی و دیدەڤانی تۆمار کرن.
ههروهها گۆت: ئەز دکارم بێژم کو دەلیلێن زەلال و پێباوەر ھەنە کو تاوانێن دژی ئێزیدییان، دگههنه ئاستا جینۆسایدێ.
خان دا زانین، تیما وان ئانالیزێن کۆمپیۆتهران، تۆمارێن دەنگی یێن تەلەفۆنان، تەکنۆلۆژیا ناسینا روویان و ههروهها ژ پێداچوون و لێکۆلینان گههشتییه وێ ئەنجامێ.
د بەردەوامیێ دە خان دەستنیشان کر، بهلگه و دەلیلێن کو مە شۆپاندن پشتراست کرنه کو داعش ژ کریارێن تونەکەرێن وەک کوشتنکاری، دەستدرێژییا سەکسی، ئێشکەنجە، کۆلەکرن و تاوانێن دن یێن شەر و دژی مرۆڤاھیێ یێن سەر ئێزیدییان بەرپرسە.
ھەری داوی خان ئەشکەرە کر، خەباتا وان وێ ببە ئالیکار کو ئەندامێن داعشێ ژ بۆ تاوانێن کو ل ئیراقێ ھاتنە کرن، ل دادگەھێن ناڤنەتەوی وەرن دارزاندن.