ئه‌ڤ كه‌سێ هنده‌ گرنگ كی بوو ئسرائیلێ هه‌ده‌ف كری؟

غه‌ززه‌ ئیرۆ مالئاڤاهی ل زانایێ یه‌كه‌مێ پێشختنا رۆكه‌تان پرۆفیسۆر جه‌مال زبده‌ كر كو د ئێریشه‌كه‌ ئسرائیلێ ده‌ هاتبوو هه‌ده‌ف گرتن.

مه‌راسیما ب خاپ سپارتنا پرۆفیسۆر جه‌مال زبده‌ ئیرۆ ل غه‌ززه‌ هاتن برێڤه‌ برن، ئه‌ڤ زانایێ ته‌كنیكێ یێ فه‌له‌ستینی ب كه‌سه‌كێ پر گرنگ دهات حه‌ساب كرن، ئه‌و به‌رپرسێ یه‌كه‌مێ پێشختنا رۆكه‌تێن ته‌ڤگه‌را حه‌ماس یا فه‌له‌ستینی بوو.

ئسرائیلێ ل رۆژێن رابووری د ئێریشه‌كه‌ هه‌وایی ده‌ كو باله‌فرێن جه‌نگێ ئه‌نجام دابوو، پرۆفیسۆر جه‌مال زبده‌ و كورێ وی ئوسامه‌ جه‌مال هه‌ده‌ف كرن.

جه‌مال زبده‌ ل ویلایه‌تا ڤێرجینیا دكتۆرا ب ته‌كنیكا سه‌ربازی و باله‌فرێن جه‌نگێ ب ده‌ست خستبوو و نامه‌یا وی یا دكتۆرایێ ل ده‌ربارا پێشخستنا بالێن باله‌فرێن F16  و F35ان پێشكه‌ش كربوو.

جه‌مال زبده‌ ب زانا و پرۆفیسۆرێ یه‌كه‌مێ فه‌له‌ستینی تێ حه‌ساب كرن یێ كو ل ڤان سالێن داویێ رۆكه‌تێن ته‌ڤگه‌را حه‌ماسێ پێشخستین.