نەتانیاھوو: ئەمەریکا و جڤاکا ناڤدەولەتی د گەل مەدایە

سەرۆکوەزیرێ ئیسرایلێ بنیامین نەتانیاھوو ل سەر شەرێ وان و فلیستینێ گۆت کو د سەری دا ئەمەریکا و جڤاکا ناڤدەولەتی پشتەڤانیا وان دکەت.

نڤیسگەھا سەرۆک وەزیرێ ئیسرایلێ ل سەر حەسابا خوا یا تویتەرێ داخویانیەک بەلاڤ کر و تێ دا راگھاند، نەتانیاھوو دەربارێ ھورگلیێن ئێریشا سەر غەزەیێ و بەرەڤانیا ئیسرایلێ دا، د گەل بەرپرسێن لەشکەری و ئیستخباراتێ دا ھەڤدیتنەک پێک ئانیە.

نەتانیاھوو پشتی ھەڤدیتنێ گۆتیە، دێ ئۆپەراسیۆنا سەر غەزە ب ھەموو هێزا خوە بەردەوام بیت و ژ بۆ ئۆپەراسیۆنێن لەشکەری بگھنە ئارمانجێن خوە پیچەکێ پێویستی ب دەمی ھەیە.

سەرۆک وەزیرێ ئیسرایلێ ھەروھا دەستنیشان کر، “د سەری دا ئەمەریکا، پشتەڤانیەکا مەزن بۆ مە ھەیە. پشتەڤانیا جڤاکا ناڤدەولەتی ھەیە و ئەم ژی ڤێ بکار تینین.”