فەرماندارێ سوپایێ پاسدارێن کۆمارا ئیسلامیی ا ئیرانێ حوسێن سەلامی راگھاند؛ وەلاتێ وی ل دژی ئیسرایلێ پشتەڤانیا فلستینێ دکەت.
ل پایتەختا ئیرانێ باژێرێ تەھرانێ ئیرۆ ژ بۆ پشتەڤانیا گەلێ فلستینێ و شەرمەزارکرنا ئیسرایلێ کۆمبوونەک ھات لدارخستن و فەرماندارێ سوپایێ پاسداران حوسێن سەلامی گۆت: “خەلکێ فلستینێ داستانەکا نوو تۆمار کر.”
حوسێن سەلامی دیار کر: “نھا فلستینی باژێرێ تەل ئەبیب مووشەکباران دکەن و ئەم ژی پشتەڤانیا وان دکەین.”
سەلامی گۆت: “ئیرۆ ئیسرایل ل بەر رێیەکا گرتییە، نە دکاریت شەری درێژ بکەت و نە ژی دکاریت شەری راوەستینیت.”
10 رۆژن د ناڤبەرا گرووپ و رێخستنێن فلستینی و ئیسرایلێ دا شەر ھەیە و رۆژانە ھەر دو ئالی ھەڤدو بۆمبەباران دکەن. حەتا نھا ھەموو ھەولدانێن ژ بۆ راوەستاندنا شەری تێک چوونە.
