گاردیەن: تەقینا کارگەھا بالافرێن کەشفێ یا ئیرانێ ل ئەسفەهانێ ب گەفێن ئیسرائیلێ ڤە گرێدایێ یە

رۆژنامەیا بریتانی زە گاردیەن راگھاند کو تەقینا یەکشەمبێ ل کارگەھا بالافرێن بێ پیلۆت یا ب ناڤێ «ھسا» ل باژارێ ئەسفەهانێ چێبووی، ب گەفێن ئیسرائیلێ یێن ڤێ داوییێ ڤە گرێدایی بوو.

ل گۆری راپۆرتێ، چەند رۆژان پشتی کو ئیسرائیلێ راگھاندی کو ئیرانێ ل غەزەیێ درۆن دانە حەماسێ، ل کارگەھا چێکرنا درۆنان یا ب ناڤێ (ھسا) ل ئەسفەهانێ رۆژا یەکشەمبی تەقینەک مەزن چێبوو، و 9 کەس بریندار بوون.

رایەدارێن ئیرانێ ل سەر سەدەما بوویەرێ ئاگاھی نەدانە، لێ ئیسرائیلێ د دەمێن بۆری دا گەفا تۆلڤەکرنێ کربوو.

سەرۆکوەزیرێ ئیسرائیلێ بنیامین نەتانیاھو رۆژا پێنجشەمبی، 20ێ گولانا 2021ێ، ئیران سووچبار کر کو بەرێ خوە دایە پشتگریا تەمام یا جیھادا ئیسلامی، حەماس و حیزبوللاھێ ل لبنانێ.

نەتانیاھو گۆت:” دەما کو ئەم د چەند رۆژێن بەرێ دا ب شەرێ حەماسێ ڤە مژوول بووین، ئیرانێ بالافرێن خوەیێن بێ پیلۆت ژ ئیراق یان سووریێ بەر ب غەزەیێ ڤە هنارتن، لێ ھێزێن ئیسرائیلێ ئەو ل سەر سنۆرێ ئیسرائیل-ئوردون خستنە خوارێ. “

سپێدەیا رۆژا یەکشەمبێ، مەدیایا ئیرانێ راگھاند کو تەقینەک ل “پیشەسازیێن کیمیاوی یێن نارگۆستار سەپاھان” ل باژێرێ ئەسفەهانێ چێبوویە، و نەھ کەس بریندار بوونە، لێ بەلێ رایەدارێن ئیرانێ ب چ ئاوا باس ل سەدەمێن ڤێ تەقینێ نەکر.