برێڤه‌برێ ئاژانسا ووزه‌یا ئه‌تۆمی یا ناڤده‌وله‌تی راگه‌هاند كو وان ترسه‌كا هه‌ری زێده ژ به‌رنامه‌یا ئه‌تۆمی یا ئیرانێ هه‌یه.
ره‌فایێل گرۆسی ئیرۆ رۆژا چارشه‌مبی 26/5/2021ێ ژ بۆی رۆژنامه‌یا فاینانشیال تایمز یا به‌ریتانی گۆتییه: به‌رنامه‌یا ئه‌تۆمی یا ئیرانێ ئه‌م ترساندینه، ژ به‌ر كو وێ ئاستا پیتاندنا یۆرانیۆمێ گه‌هاندییه 60% و ئه‌ڤ یێك پڕ خه‌ته‌ره.
هه‌روه‌ها ده‌ست نیشان كر، رێژه‌یا سه‌دی یا رێپێدای یا پیتاندنێ ژ بۆ كارێن بازرگانی 1% هه‌تا 2% یه، لێ به‌لێ رێژه‌یا 60% كو ئیران نها ل سه‌ر كار دكه‌ت، دكاریت چه‌ك و بۆمێن ئه‌تۆمی پێ بهێنه چێكرن.
هێژای گۆتنێ یه، ئیرانێ ل مه‌ها رابووری ئه‌شكه‌ره كر كو وێ پیتاندنا یۆرانیۆمێ گه‌هاندییه ئاستا 60% وه‌ك به‌رسڤه‌ك ژ بۆی ئه‌مه‌ریكایێ و ڤه‌كێشانا وێ یا ژ په‌یمانا ئه‌تۆمی كو جه‌زا ل سه‌ر ئیرانێ سه‌پاندینه.
