وەزارەتا به‌ره‌ڤانیێ یا ئه‌مەریکا 522 ملیۆن دۆلار بۆ خه‌رجیێن شه‌رێ ل دژی داعشێ ل سووریێ و ئیراقێ، د بوجه‌یا فه‌ده‌رالا 2022ێ دا داخواز كرنه، ژ ڤێ بودجه‌یێ 177 ملیۆن دۆلار بۆ یه‌په‌گێ نه.
پەنتاگۆنێ ژ بۆ خه‌رجیێن پاراستنێ ژ بۆ سالا بهێت، 715 ملیار دۆلار داخواز كرنه و د ناڤ وێ داخوازێ دا ژ بۆ بەرنامەیا مه‌شق و چه‌كدار كرنا ل دژی داعشێ ل سووریێ و ئیراقێ، 522 ملیۆن دۆلارا هاتنه داخواز كرن، رێڤه‌به‌رییا جۆ بایدن ئه‌ڤ داخوازییا په‌نتاگۆنێ دایه كۆنگرێسێ.
به‌هرا كۆمێن سووریێ كو یه‌كینه‌یێن پاراستنا گه‌ل یه‌په‌گه ژی د گه‌ل دایه ژ ڤێ بودجه‌یێ، 177 ملیۆن دۆلارن، هه‌روه‌ها 345 ملیۆن دۆلار بۆ هێزێن ئه‌وله‌هییا ئیراقێ نه، ل سالا رابووری ژی كۆمێن سووریێ 250 ملیۆن دۆلار ستاندبوون.
سەرۆکێ بەرێ باراك ئۆباما، ل سالا 2017ێ د چارچۆڤەیا شه‌رێ ل دژی داعشێ دا، به‌شا خه‌رجیێن په‌روه‌رده و چه‌كدار كرنا بزاڤێن ل دژی داعشێ ل سه‌ر بودجه‌یا ئه‌مه‌ریكایێ زێده كرییه
