ره‌ڤاندنا شێنیێن كورد ژ هه‌رێما عه‌فرینێ یا رۆژئاڤا كوردستانێ ده‌وام دكه، داوی ته‌وانا چه‌كدارێن گرێدای تركیێ، ره‌ڤاندنا 7 شێنیێن گوندێ باسووتێ بوو.
رێخستنا مافێن مرۆڤان ل عه‌فرینێ ئه‌شكه‌ره كر، چەکدارێن گرووپا فەیلەق ئەلشام ل رۆژا 29 گولانێ 7 وەلاتی ژ گوندێ باسووتێ رەڤاندن، ب تۆمەتا کو پێوەندییا وان ب رێڤەبەرییا خوەسەر ڤه ھەبوو، چه‌كداران داخوازا فدیێ ژ بۆی ئازاد كرنا وان كرنه.
کەسێن ھاتنە رەڤاندن ناڤێن وان ئه‌ڤه‌نه: حه‌سه‌ن زەکی حەمشۆ، نەجیب مستۆ خەلیل، ئه‌حمه‌د عەبدولرەحمان، کاوه بەتا خدر، پەیمان محەمەد تاھاباش، خالد ئەحمەد رەجەب و عەلی خەلیل خالد.
رێخستنا مافێن مرۆڤان ل عه‌فرینێ د راپۆرتەکا دی دا بەلاڤ کرییە، رۆژا 30 گولانێ ژی، چەکدارێن فەیلەق ئەلشام ل گوندێ کبێشینێ یێ ناڤچەیا شێراوا 4 مالبات ژ مالێن وان دەرکرن و دەست دانین سەر خانیێن وان.
ھەروھا گرووپا وەقاس ژی ل گوندێن ھێکچێ، مەروانییا ژێر، مه‌روانییا ژۆر، سەنارێ و ئانقەلێ یێن ناڤچەیا جندرێسێ باج دانینە سەر بەرھەمێن چاندنیێ کو ھەر جۆتکارەک بخوازە بەرھەمێن خوە ببە ل بازارێ بفرۆشە دڤێت باجێ بدەته چەکداران.
