ل دەمەکێ کو ترکیا ل بەندا توریستێن رووسی بوو، ھاتە راگھاندن کو رووسیایێ قەدەغەیا سەفەرێن ئاسمانی بۆ گەشتیارێن دچنە ترکیا حەتا 21ێ خزیرانێ درێژ کر.
رووسیایێ بەریا نھا ژی سەفەرێن بۆ ترکیا ژ 12ێ نیسانێ حەتا 1ێ خزیرانێ قەدەخە کربوو.
سەرۆک کۆمارێ ترکیا رەجەپ تەییب ئەردۆگان دۆھی 31ێ گولانێ قۆناغا ئاساییبوونا سنۆردارکری یا رووبرووبوونا ڤیروسا کۆرۆنایێ راگھاندبوو و داویبوونا قەدەغەیێن ژ ئەگەرا کۆرۆنایێ ئەشکەرا کربوو.
شاندەکا سەرۆک کۆماریا ترکیا ھەفتەیا بووری ژ بۆ ھاتنا توریستان بۆ ترکیا سەردانا رووسیایێ کربوو، لێ ل گۆری بریارا رووسیایێ دیارە کو هێژان رووسیایێ بریار نەدایە گەشتیارێن خوە بشینە ترکیا.
