ل تركیێ دادگه‌هـ كرنا بكارهێنه‌ره‌كێ فه‌یسبووكێ هات كرن، وی د كۆمێنته‌كێ دا ژ ده‌وله‌ت باخچه‌لی را گۆتبوو: تو خه‌ره‌فی یه‌، پێویسته‌ ته‌ ببن مالا كال و دانعه‌مران.

ل داگه‌ها جه‌زایێن ئه‌نقه‌رێ، دادگه‌هـ كرنا بكارهێنه‌ره‌كێ فه‌یسبووكێ ب داوی هات، دادگه‌هێ بریارا دا ئه‌و ب 5 هه‌زار و 300 لیره‌یان بهێته‌ جه‌زا كرن، ژ به‌ر كو وی ده‌وله‌ت باخچه‌لی ب پیره‌كێ خه‌ره‌فی ب ناڤ كربوو.

ئه‌ڤ بكارهێنه‌رێ فه‌یسبووكێ ل سه‌ر ئه‌كاونتا خوه‌ گۆتبوو باخچه‌لی: تو خه‌ره‌فی یه‌، پێویسته‌ ته‌ ببن مالا كال و دانعه‌مران.

“ڤی ئێدی ببن مالا کال و پیران، ئه‌و تێرا خوە خه‌رفییه‌”

هێژای گۆتنێ یه‌، رۆژنامەیا سۆزجویێ داخویانیەکا باخچەلی ل سه‌ر حه‌سابا خوه‌ یا فه‌یسبووكێ وەشاندبوو، وی بكارهێنه‌رێ فه‌یسبووكێ ژی كۆمێنت كربوو و د كۆمێنتا خوه‌ دا گۆتبوو رۆژنامه‌یێ: “ڤی ئێدی ببن مالا کال و پیران، ئه‌و تێرا خوە خه‌رفییه‌، ھنگی زیڤریە ھش د سەرێ وی دا نەمایە”.