سه‌ركرده‌یێ ته‌ڤگه‌را رزگاری و گه‌شه‌پێدان ئا سوننه‌یێن ئیراقێ ل ده‌ربارا په‌كه‌كێ دبێژه: پێویست بوو ئه‌ڤ رێخستن ل گه‌ل رێخستنا موجاهیدی خه‌لق هاتبا ده‌رخستن.
ئه‌سیل نوجێفێ ته‌ڤلی به‌رنامه‌یه‌كا كه‌نالا دیجله‌یێ ئا ئیراقی بوو و ل ده‌ربارا ئێریشا په‌كه‌كێ ئا ل سه‌ر پێشمه‌رگه‌هان كو دوهـ ل چیایێ مه‌تینایێ پێكهاتبوو، داخویانی دا.
نوجێفی ته‌ڤی كو ئه‌ڤ ئێریشێن په‌كه‌كێ ب ته‌رۆریستی ب ناڤ كرن گۆ كو پێویسته حكوومه‌تا ئیراقێ هه‌لوه‌سته‌كه زه‌لال نیشان بده، پێویسته ئیفشا بكه كانێ وێ پیلانه‌كه ژێر ب ژێر ل گه‌ل ده‌وله‌تا تركیێ ژ بۆ داگیركه‌رییا ل باشوورێ كوردستانێ هه‌یه یان نا.
نوجێفی هه‌روها دبێژه: پێویسته ل ڤێ ده‌مێ ئالیێن سیاسی یێن ئیراقی زه‌ختێ ل حكوومه‌تێ بكن كو په‌كه‌كێ ژ ئیراقێ ده‌رخن، ژ بۆ كو تو هنجه‌ته‌ك ژ بۆی تركیێ نه‌مینه كو ڤان ئێریشان پێك بینه.
ل داوییا ئاخافتنا خوه نوجێفی گۆ: پێویست بوو حكوومه‌تا ئیراقێ چه‌كدارێن په‌كه‌كێ ل گه‌ل چه‌كدارێن رێخستنا موجاهیدی خه‌لق ژ ئیراقێ ده‌رخستبان.
