رەژێما ئیرانێ تەڤی تێکدانا خوەزایا کوردستانێ و تالانکرنا سەروەت و سامانا رۆژهلاتێ کوردستانێ، نها دەست ب دزین و تالانکرنا شوونوارێن دیرۆکی یێن رۆژهلاتێ کوردستانێ کریە و ل هندەک گوندێن سنۆرێ باژارێ سەقز چەندین شوونوار تالان کرینە.
گرووپەکا سەر ب سوپایێ پاسدارێن رەژێما ئیرانێ ب بەهانەیا کار کرن د کارگەهەکا ئاسن دا ل سەقزێ و دیواندەرە یا سەر ب پارێزگەها سنە یا رۆژهلاتێ کوردستانێ ڤە، مژوولی تالانکرنا شوونوارێن دیرۆکی یێن کوردستانێ نە و ل هەرێمێن عەباس ئاوا، ئیبراهیم ئاوا، جافرخان، کانی چەرموو، تەوەکەلان، ئالیجان و چلچەمە خوەزایا وان ب تەڤاهی تەڤلیهەڤ کریە و زرارەک هەری مەزن گهاندیە خەلکێ وان هەرێمان.
خەلکێ ڤان هەرێمان چەندین جاران ل شارەداریێن سەقز و دیواندەرە، سکالا ل دژی هێزێن سوپایێ پاسداران ڤەکرنە، لێ بەلێ نە ب تەنێ بەرسڤا وان نەهاتیە دایین، بەلکو ژ لایێ سوپایێ پاسداران ڤە گەف ل وان هاتنە کرن کو گەر بەردەوام بن و سکالایا خوە ل دژی وان دوبارە بکەن، رێ ب وان ناهێتە دایین ل وان هەرێمان تەرش و تەوالێ خوە بچەرینن و دێ چوون و هاتنا چیا ل وان قەدەغە کەن.
سوپایێ پاسداران ژ لایەکێ و ژ لایەکێ دی چەکدارێن پەکەکێ ل شەنگالێ ئەڤە دەما چەندین سالانە شوونوارێن کوردستانێ تالان دکەن و د بازارێن رەش دا دفرۆشن.
