سه‌دات په‌كه‌ر، سه‌رۆكێ مافیایا تركیێ كو ئه‌ڤ ده‌مه‌كه ب ملیۆنان ئینسان ل ڤیدیۆیێن وی ل سه‌ر پێگه‌ها یۆتۆبێ د نێرن و هوندرێ تركیێ وه‌ك ڤۆلكانێ ته‌قاندییه و ته‌ڤ ئه‌سرارێن ده‌وله‌تێ ئیفشا كرینه، د داوی ڤیدیۆیا خوه دا، باس ل عه‌بدوللا ئۆجالان سه‌رۆك و رێبه‌رێ رێخستنا په‌كه‌كێ دكه‌ت.
سه‌دات په‌كه‌ر كو نها ره‌ڤیایه ده‌وله‌تا ئیماراتا ئه‌ره‌بی، رۆژانه ڤیدیۆیه‌كێ به‌لاڤ دكه‌ت و تێدا ئه‌سرارێن ده‌وله‌تێ ئیفشا دكه‌ت، تایب ئاردۆگان ژی نه‌چار ما ده‌ركه‌ڤیته مه‌دیایێ و به‌رسڤا سه‌دات بده‌ت.
د ڤیدیۆیا خوه یا داویێ دا، سه‌دات په‌كه‌ر وه‌سا باس ل ئۆجالان دكه‌ت و دبێژیت:
«دەما عه‌بدوللا ئۆجالان ھاتییە گرتن ئەقلێ من ژ سەرێ من دەرکەت، ل ھەموو جھێن دونیایێ مرۆڤان خوە ژ بۆ وی د شەوتاند، ئەز ب خوە نکارم خوه ب شه‌وتینم لێ دکارم خوە ب چەکی بکوژم، نه ولاهی ئەز نکارم خوە ب شه‌وتینم، یاوو مرۆڤان خوە قرقشاند خوە د شەوتاند، دەما مرۆڤ تەماشە دکەت ناڤا مرۆڤی دخەلە، مرۆڤ دبێژیت ئەڤ شۆلەکێ چاوایە».
هه‌روها گۆت: «ئاپۆ جاهله وەکە (ئوستاد نەجیب فازل) قالا وی دکەت، جاهل واته کوور ئانگۆ ته‌خا ھەری ژێر، دلسۆزێن وی خوه ژ بۆ وی دشه‌وتینن ئەو ژی (ئاپۆ) د چیت ژ بۆ یێن لێكۆلینێ د گه‌ل دا دکه‌ن مەلاقییان دکەت ژ بۆ كو نه‌هێته قوتان، هه‌وه ل ڤیدیۆیێن وی (ئاپۆ) نێرینە ئه‌و ب چ ئاوایی وەک زارۆکێن مەدرەسا سەرەتایی ژ بۆ كو وی نه‌قوتن، خوە ژ بۆ دەولەتێ شرین دکەت و مەلاقییان دکەت».
