ده‌وله‌تا ئیراقێ ته‌ڤگه‌رێن خوه یێن ل دژی داگیركه‌رییا تركیێ یا ل سه‌ر باشوورێ كوردستانێ ده‌ست پێ كرنه و راگهاند، كه‌نالێن دیپلۆماسی هاتنه كارا كرن.
لیوا یه‌حیا ره‌سوول فه‌رماندارێ گشتی یێن هێزێن چه‌كدارێن ئیراقێ، ئیرۆ رۆژا سێشه‌مبی 15/6/2021ێ، ژ بۆ ئاژانسا فه‌رمی یا ده‌وله‌تێ ل ده‌ربارا داگیركه‌رییا تركیێ یا ل سه‌ر باشوورێ كوردستانێ ئاخڤی یه.
یه‌حیا ره‌سوول گۆتییه: ته‌ڤگه‌رێن مه د كه‌نالێن دیبلۆماسی را ب رێیا وه‌زاره‌تا كارێن ده‌رڤه ژ بۆی رێگرتنێ ل ئێریشێن به‌رده‌وام یێن تركیێ ل سه‌ر خاكا ئیراقێ ده‌ست پێ كرنه.
هه‌روه‌ها ده‌ست نیشان كر، ئه‌و ب چ ئاوایی رێ ناده‌ن، خاكا ئیراقێ وه‌كه قادا ته‌رۆرێ ل دژی ده‌وله‌تێن جیران بهێته ب كار ئانین، دڤێت تركیه ژی رێزێ ل سه‌روه‌رییا ئیراقێ بگریت.
