د ئۆپەراسیۆنا “سەدات پەکەر” دا 25 کەس ھاتنە گرتن

د ئۆپەراسیۆنا"سەدات پەکەر" دا 25 کەس ھاتنە گرتن

ل چار باژارێن ترکیا ل دژی گرووپا مافیایی یا سەدات پەکەر کو ئەڤە دەمەکە مکورھاتنە و نهێنیێن خوە و دەستهەلاتدارێن ترکیا بەلاڤ دکەت، ئۆپەراسیۆنەک ھاتە ئەنجامدان.

ھاتە راگھاندن کو ھێزێن ئەولەکاریێ، ناڤەندا وێ ل ئافیۆنێ، دژی ئەندام و لایەنگرێن گرووپا مافیایی یا سەدات پەکەر ل 4 باژاران ئۆپەراسیۆن دایە دەستپێکرن و د ئەنجامێ دا 25 کەس ھاتنە گرتن.

ل گۆر مەدیایا ترک د لێگەرینێن ناڤنیشانێن کەسێن دەستەسەرکری دا مادەیێن ھشبر، کەلەمچە، بەشەک زێدەیا چەکان، ناسنامەیەکا ساختە یا پۆلیسان و ھندەک پارە ھاتنە دیتن.

ژ وان بەرگومانان 2 کەس  ب تاوانێن بریندارکرنا ب قەست و گەف کرنێ ھاتنە گرتن. دۆسیەیا 5 ژ وان گومانباران ب دۆزەکا دی ڤە ھاتیە گرێدان و ژ بۆ پارێزگەھا بورسا ھاتیە شاندن و کەسێن دی ژی ب مەرجێ کۆنترۆلا دادوەریێ ھاتنە بەردان.

پوستێن ھەمان بەش