رێخستنا په‌كه‌كێ باج ل سه‌ر جۆتكار و خودانێن په‌زی ل سیده‌كانێ فه‌رز كرییه، رێڤه‌به‌رێ ناحیا سیده‌كانێ ژی دبێژیت: زێده‌باری كو باجێ ژ جۆتكاران دستینن، مینان ژی ل سه‌ر رێكێن گشتی دچینن.
ئێحسان چه‌له‌بی، رێڤه‌به‌رێ ناحیا سیده‌كان ل ده‌ربارا تاوان و جینایه‌تێن رێخستنا په‌كه‌كێ ل سنۆرێ سیده‌كانێ داخویانی دا و گۆت كو چه‌كدارێن رێخستنێ ئه‌ڤ ده‌مه‌كه باجێ ژ جۆتكاران، هنده‌ك وه‌لاتی و كه‌سێن كو په‌زی خودان دكه‌ن، دستینیت.
هه‌روه‌ها ده‌ست نیشان كر، زێده‌باری ستاندنا باجێ، چه‌كدارێن په‌كه‌كێ مینان ژی ل سه‌ر رێكێن گوندان و رێكێن گشتی دچینن و ئه‌ڤ یێك بوویه خه‌ته‌رییه‌ك كو گه‌لێ سیده‌كانێ رۆژانه ژیان دكه‌ت.
ل گۆری ئاگاهیێن ناحیا سیده‌كانێ، ب سه‌ده‌ما شه‌ر و په‌ڤچوونێن په‌كه‌كێ هه‌یا نها ژ سه‌رجه‌ما 264 گوندێن سیده‌كانێ، 118 گوند ڤالا مانه و خه‌لكێ وان كۆچبه‌ر بووینه.
