ژنه‌كێ ل باژارێ ته‌كیرداغێ یێ تركیێ كو ل سه‌ر به‌ردانێ بوو، كه‌چا خوه یا دوو سالی بریندار كر، ب سه‌ده‌ما دژوارییا برینێ، زارۆكێ جان دا.
ل ناڤچەیا چۆرلوویێ ژنه‌كێ ب ناڤێ ئومموھان دوومانلۆگلوو كو ته‌مه‌ن 31 سالی یه، کەچا خوە یا 2 سالی کوشت، پاش كو هه‌ڤژینێ وێ داخوازا به‌ردانێ و ژێكڤه‌بوونێ ژێ كری.
ڤێ ژنێ ل رۆژا 15 ڤێ مه‌هێ، ل ناڤچەیا چۆرلوو یا تەکیرداغێ کەچا خوە یا 2 سالی بریندار کر، ل سەر ئیخبارا کەسێن کو بوویەر دیتین، تیمێن تەندورستیێ ھاتن جھێ بوویەرێ ئه‌ڤ زارۆك ل ده‌ستپێكێ ڤه‌گوهاستن نەخوەشخانەیا دەولەتێ یا چۆرلوویێ، پشتره ڤه‌گوهاستن نەخوەشخانەیا فاکولتییا زانینگەھا یا ئەدیرنەیێ.
ئه‌ڤ كه‌چا زارۆك ل بەشا لێنێرینا ئاوارتە دهاته چاره‌سه‌ر كرن، ئیرۆ رۆژا پێنجشه‌می 17/6/2021ێ ژیانا خوە ژ دەست دا.
دایكا ڤێ كه‌چا زارۆك پشتی بوویەرێ ھات بن چاڤ کرن و دادگەھێ دوومانلۆگلوو ب سووچا «كوشتنا ب زانەبوون» ئه‌و شانده گرتیگەھێ.
