شێورمەندێ ئاسایشا نشتمانییا ئیراقێ راگهاند، ب سه‌ده‌ما هه‌بوونا په‌كه‌كێ، په‌یوه‌ندیێن ئیراقێ ب ده‌وله‌تێن جیران را، ئالۆز بوونه.
قاسم ئه‌عره‌جی ژ كه‌نالێ كوردستانی 24ێ را گۆت: ھەبوونا پارتیا کارکەرێن کوردستانێ په‌كه‌كێ، ل ناڤچەیێن سینۆری یێن ھەرێما کوردستانێ، بوویە سەدەما ئالۆزبوونا په‌یوەندیێن ئیراقێ ب وەلاتێن جیران را.
هه‌روه‌ها گۆت: بێگومان ترکیە سەروەرییا ئیراقێ بنپێ دکە و ئەڤ یەک نایێ قەبوولکرن، بەغدا ب رێیا دیالۆگێ و ب رێیا وەزاره‌تا دەرڤە یا ئیراقێ کار ژ بۆ چارەسەرکرنا ڤان پرسگرێکان دگه‌ل ئەنقەرێ دکەت.
شێورمەندێ ئاسایشا نشتمانییا ئیراقێ گۆت: ھەبوونا په‌كه‌كێ ل سەر خاکا ئیراقێ نە یاسایی و نە رەوایە، ھەبوونا وان بوویە سەدەما ئالۆزبوونا په‌یوەندیێن ئیراقێ ب وەلاتێن جیران را، دەستوورا ئیراقێ رێ نادەت چ ھێزەکا چەکدار ژ خاکا ئیراقێ ڤە زیانێ بگه‌هینیت وەلاتێن جیران.
قاسم ئه‌عره‌جی ھێڤی خواست کو پرسگرێک دگه‌ل ئەنقەرێ بهێنه چارەسەر کرن و په‌یوه‌ندیێن وان باشتر ببن.
