بنگه‌هه‌كێ سوپایێ تركیێ ئیرۆ ب گوللـه تۆپێن هاون هات تۆپباران كرن، پاش هێرشێ، ترومبێلێن ئه‌مبولانس بله‌زاتییه‌كا زێده ژ وێ ده‌رێ ده‌ركه‌تن.
ئیرۆ رۆژا چارشه‌مبی 23/6/2021ێ، بنگه‌ها چاڤدێریێ یا سوپایێ تركیێ ل بلندایێن چیایێ زاویه یێ هنداڤا باژارۆكێ كه‌سه‌نفه‌ره ل باشوورێ ئدلبێ، كه‌ت به‌ر هێرشه‌كا سوپایێ سووریێ و ئاگاهیێن ده‌ستپێكی ددن خوه‌یا كرن كو كوشتی و بریندار د ناڤا رێزێن عه‌سكه‌رێن ترك دا هه‌نه.
د ڤێ ده‌ربارێ دا، نه‌رینگه‌ها سووری یا مافێن مرۆڤان ئیرۆ به‌لاڤ كر، كوشتی و بریندارێن عه‌سكه‌رێن ترك هه‌نه، ژ به‌ر كو پاش هێرشێ ئه‌مبولانس هاتنه دیتن كو ب له‌زاتییه‌كا هه‌ری زێده ژ وێ بنگه‌هێ ده‌ركه‌تن.
پاش هێرشێ عه‌سكه‌رێ ترك كه‌تییه د ره‌وشا نه‌فیر عامێ دا و لڤ و ته‌ڤگه‌رێن خوه ل چیایێ زاویه به‌رفه‌ره‌هـ كرنه.
هێژای گۆتنێ یه، دوهـ رۆژا سێشه‌مبی ژی رژیما سووریێ ل گونده‌كێ بنارا چیایێ زاویه خستبوو و ب وێ سه‌ده‌مێ ژنه‌كێ جان دا و زارۆكه‌ك بریندار كه‌تبوو.
