دەریێ سنۆری یێ ناڤبەرا باشوور و رۆژئاڤایێ کوردستانێ کو ژ ئالیێ رێڤەبەرییا خوەسەر ڤە ھاتبوو گرتن، بریار ھات دان بێ ڤه‌کرن.
رێڤەبەرییا خوەسەر ل رۆژێن رابووری دەریێ سێمالکا ژ بۆ هاتن و چوونا خەلکی گرتبوو کو ئەو یەک وەک ھەلوەستەکێ سیاسی ھاتبوو نرخاندن.
ھەروه‌ھا رێڤەبەرییا دەریێ سێمالکا پڕكرنا فۆرمەکێ ژ بۆ سەردانکەرێن رۆژئاڤایێ کوردستانێ وەک به‌هانه‌یا گرتنێ نیشان دابوو کو دیار کربوو، ئەو فۆرم درێژە و نە ب دلێ وانە، لێ بەرپرسێن دەری دبێژن ژ بۆ رێکخستنا زێدەتر یا کار، وان ئەو فۆرم چێكرییه.
رێڤەبەرێ پێشابوورێ شەوکەت بەربھاری راگه‌ھاندییە، فۆرم ژ بۆ پێتر رێ خوەشكرنێ هاتبوو چێكرن و هه‌ماهه‌نگی ل گه‌ل ئالیێ رۆژئاڤا د ڤێ ده‌ربارێ ده هه‌بوو.
پشتی چەند رۆژێن گۆتووبێژان رێڤەبەرێ دەرگەھێن باکور و رۆژھلاتێ سووریێ رۆدی محەمەد ئەمین ژی ژ مەدیا کوردستانێ را راگه‌ھاندییە کو وان ل ھەڤکرنە و ژ 28 ڤێ مەھێ دەری دێ هێته ڤه‌كرن، ل گۆری سیستەما شەمبی، دوشەمب و چارشەمب، خەلک دێ شێن ب شەرت و مەرجێن بەرێ هاتنوچوونێ بکه‌ن.
