ھێزێن ئەولەھییا ترکیێ کامیۆنا کۆچبەران گولـلەباران کر

ھێزێن ئەولەھیا ترکیێ، ل سێرتێ کامیۆنا کۆچبەرێن نەیاسایی گولەباران کر، د ئەنجامێ دا 2 کۆچبەر مرن، 12 کۆچبەر ژی بریندار بوون.

پارێزگارێ سێرتێ دا خویاکرن، ھێزێن ئەولەکاریێ چەندی ھشیاری دانە کامیۆنا کو 84 کۆچبەرێن ئەفغانی و پاکستانی تێ دا بوون، لێ رانەوەستیا.

ھات گۆتن، شۆفێرێ کامیۆنێ تەقە ل ھێزێن ئەولەکاریێ کریە و د بەرسڤدانا ھێزێن ئەولەکاریێ دا ژی، دو کۆچبەر ھاتن کوشتن، 12 کۆچبەر ژی بریندار بوون.

پارێزگارێ سێرتێ دا زانین، شۆفێرێ کامیۆنێ پشتی بوویەرێ ھاتیە بنچاڤکرن و لێگەرینا کۆچبەرێن کو ژ کامیۆنێ رەڤیانە ژی بەردەوامە.