3 جھێن داعشێ ل کەرکووکێ ھاتنە تەقاندن

3 جھێن داعشێ ل کەرکووکێ ھاتنە تەقاندن

ل کەرکووکێ 3 جھێن خوە ڤەشارتنێ یێن داعشێ ھاتن تەقاندن و ل ئەنبارێ ژی 4 چەکدارێن داعشێ ھاتن دەستەسەرکرن.

شانەیا راگھاندنێ یا ئەولەھیا ئیراقێ راگھاند، ھێزێن ئەولەھیێ ب رێیا فرۆکەیێن بێفرۆکەڤان 3 جھێن خوە ڤەشارتنێ یێن چەکدارێن داعشێ ل ناڤچەیا وادی ئەبوو شەھمە و ل دەردۆرا باژارۆکێ رەشاد یێن ل پارێزگەھا کەرکووکێ تەقاندن و دەست دانا سەر 2 مۆتۆرسیکلان.

ژێدەرەکێ دی ژی راگھاند، ھێزێن ئەولەھیێ 4 چەکدارێن داعشێ ل پارێزگەھا ئەنبارێ دەستەسەر کرن.

ژ ئالیەکی دی ڤە، د ئەنجاما تەقینەکێ دا ل قەزایا بەعاج ل رۆژئاڤایێ نەینەوایێ، 3 لەشکەرێن ئیراقێ بریندار بوون.

پوستێن ھەمان بەش