سەرکردەیێ سەرایا سەلام یا سەر ب حه‌شدا شه‌عبی د دەما ئۆپەراسیۆنا دەستەسەرکرنا وی دا رووبروویی ھێزێن ئەولەھیێ بوو و د ئەنجامێ دا ھات کوشتن.
چاڤکانییەکی ژ كوردستان 24 را راگه‌ھاند کو شەڤا بۆری ھێزەکا ئەولەھییا ئیراقێ ھەول دا سەرکردەیێ سەرایا سەلام نوسەیر ئەبۆ در موحەمەداوی دەستەسەر بکه‌ن، کو ب سووچا ئێریشا چەکداری فەرمانا دەستەسەرکرنا وی ھاتبوو دایین، لێ بەلێ نوسەیر ئەبو در موحەمەداوی ھەول دا کو برەڤیت و رووبروویی ھێزێن ئەولەھیێ بوو.
ھەروه‌ھا ئەشکەرە کر کو موحەمەداوی د دەما ئۆپەراسیۆنا دەستەسەرکرنێ دا ژ ئالیێ ئەندامەکی ھێزێن ئەولەھیێ ھات بریندار کرن.
پشترە سەرکردەیێ سەرایا سەلام بۆ نەخوەشخانەیێ ھاتییە راکرن، لێ بەلێ د نەخوەشخانەیێ دا ژیانا خوە ژ دەست دایە.
