ب سه‌ده‌ما په‌كه‌كێ باخ و بیستانێن 16 گوندێن كانی ماسێ شه‌وتین

pkk-turk-kani mase (1)

ب سه‌ده‌ما شه‌رێ چه‌كداریێ په‌كه‌كێ و بۆردۆمانا ئارتێشا تركیێ، ئاقارێ 16 گوندێن ناڤچه‌یا كانی ماسێ گرێدای ئامێدیێ شه‌وتین.

سه‌ربه‌ست سه‌بری برێڤه‌برێ ناڤچه‌یا كانی ماسێ ژ كه‌نالا كوردستان24ێ ره‌ گۆت: د دوو مه‌هێن رابووری ده‌ ب سه‌ده‌ما شه‌رێ په‌كه‌كێ و ئارتێشا تركیێ، پێتری 11 هه‌زار دۆنه‌م باخ و بیستان و زه‌ڤیێن هه‌مولاتیێن ناڤچه‌یێ شه‌وتینه‌، زراره‌كه‌ هه‌ری مه‌زن ب ناڤچه‌یێ كه‌تییه‌.

ده‌ست نیشا كر، گۆندێن: «کێستە، ئێکمالێ، هێسێ، مێرگا، جی یا، خرابەی، ئاسهێ، دەرگەلا سەیدا، ریبارکێ، قۆمریێ، ئەدنێ، دێشیش، سەرەروو، چەلکا نەسارا، چەلکا موسولمانان و گوندی هرۆرێ» راستی زراره‌كه‌ مه‌زن هاتنه‌،  ئاقارێ ڤان گوندان ب سه‌ده‌ما شه‌ر شه‌وتییه‌.

برێڤه‌برێ ناڤچه‌یا كانی ماسێ هه‌روها دبێژه‌: ل گۆری خه‌ملاندنا وان ژ بۆی زراران، ب قاسی 6 ملیار دینار زرار ب جۆتكارێن ناڤچه‌یێ كه‌تییه‌.

هه‌ر ل گۆری ئاگاهیێن كو كوردستان24ێ پارڤه‌كرنه‌، د ده‌ما دوو مه‌هێن رابووری ده‌، 7 گوند ل سینۆری كانی ماسێ ب سه‌ده‌ما شه‌رێ په‌كه‌كێ و تركیێ هاتنه‌ ڤالا كرن و هنه‌ك شێنی ژی بریندار كه‌تنه‌.