چەکدارێن “پەیەدێ”، بالێ رێخستنا “پەکەکێ” ل سووریێ، ناھێلن کو شاندا “بەرەیا ئاشتی و ئازادیێ” ب رێکا دەریێ سینۆری یێ سێمالکا دەرباسی ھەرێما کوردستانێ ببن.
بریار بوو کو ئیرۆ رۆژا دوشەمبی، 5ێ تیرمەھا 2021ێ، شاندەکێ بەرەیا ئاشتی و ئازادیێ بگەھیتە ھەولێرا پایتەختا ھەرێما کوردستانێ، د ڤێ شاندێ دا ئەندامێن دەستەیا سەرکردایەتی و ئەندامێن کۆردیناتۆرێن ئۆفیسێن ڤێ بزاڤێ ھەبوون.
ھێژایی گۆتنێ یە کو بەرەیا ئاشتی و ئازادیێ دەستەیەک سیاسی یا سووری یە و ژ ھەڤالبەندیا چار پێکھاتەیێن ئۆپۆزسیۆنا سووریێ کو پێک دهێن ژ ئەنجوومەنا نیشتیمانی یا کوردی – رێخستنا ئاشووری یا دەمۆکراتیک – تەڤگەرا سبەیا سووریا و ئەنجومەنا عەرەبی ل جەزیرە و فرات پێک دهێت، ئارمانجا ڤێ بەرەیا سیاسی ئەوە کو تەڤگەرا سیاسی ل سووریێ د بەرژەوەندیا گەلێن سووریێ دا دژین ژ نوو ڤە زندی، بەرهەڤ و بەرفرەھ بکەت.
