ل ترکیا رێژەیا کەسێن ئەردۆگان پەسەند دکەن ب رەنگەکێ بەرچاڤ کێم بوویە

کۆمپانیا لێکۆلین و راپرسییێن جڤاکی ل باژارێن مەزنێن ترکیێ راگھاند کو رێژەیا ولاتیێن ترکیێ یێن سەرۆکۆمار رەجەب تەییب ئەردۆگان پەسەند دکەن دگەهیتە 47.1% کو ئەڤ رێژەیە ژی ژ بۆ جارا دویەم تێرا ھلبژارتنا وی بۆ سەرۆک کۆماریێ ناکەت.

ل گۆری ڤێ کۆمپانیا لێکۆلینێ د مەھا ئادارا 2020ێ دا رێژەیا کەسێن کو ئەردۆگان پەسەند دکر ل دۆرا 55.8% بوو و ئەو رێژە د چارێکا 2021ێ دا داکەتبوو .44.5%

راپرسینا ڤێ کۆمپانیێ ھەروھا دەرخستیە ھۆلێ کو رێژەیا کەسێن ئەردۆگان بۆ سەرۆکۆماریێ پەسەند ناکەن ژی ژ سەدێ 48.6ە.

د لێکۆلینێ دا %4.3 یێ بەشداران فکرێن خوە دیار نەکرنە و ھەروھا 89% دەنگدەرێن ئاکەپێ و% 60.9 یێن دەنگدەرێن مەھەپێ سەرۆک کۆماریا ئەردۆگان پەسەند کرنە.