خورماتوو – حه‌شدا شه‌عبی كوردان ژ مالێن وان ده‌ردئێخیت
میلیسێن حه‌شدا شه‌عبی كۆلانه‌كا تاخه‌كێ كوردان ل باژارێ خۆرماتوو، ب ته‌مامی داگیر كرییه و ده‌ست ب ڤالا كرنا مالان كرینه.
پشتی خیانەتا 16 ئۆكتۆبه‌را 2017ێ و دەما كو حه‌شدا شه‌عبی خورماتوو داگیر کری و کوردێن باژارێ خورماتوو کۆچبەری باژار و باژارۆکێن ھەرێما کوردستانێ بووین، پشتی ده‌مه‌كی مالێن كوردان ل تاخێ رزگاری هاتبوونه ڤالا كرن و چه‌كدارێن حه‌شدا شه‌عبی تێدا د مان.
ل گۆر زانیاریێن Basnews ئەو کۆلانە دەمەکی بەری ناھا ھاتبوو ڤالا کرن، لێ ناھا جارەکە دن ژ ئالیێ ھێزێن بەرسڤدانا لەزێن ھکوومەتا ئراقێ ڤە جارەکە دن ھات داگرکرن.
Basnews سه‌ردانا خۆرماتوو كر و ئه‌شكه‌ره كر، هێزێن حه‌شدا شه‌عبی ئه‌و كۆلانا تاخێ رزگاری ب ته‌مامی داگیر كرییه و خه‌لكێ وان مالان ژ نه‌چاری چووینه د خانیێن كرێ دا.
وه‌لاتییه‌كێ کو مالا وان دکەڤە پشت وێ کۆلانا کو تەمامی ھاتییە داگرکرنا ل تاخا رزگاری ژ Basnews ێ را راگەھاند: رەفتارێن وان ھێزان پر خرابە و نابیت ھێزا لەشکەری ناڤ کۆلانان دا بمینن و چەند جارەکێ ئالیێن په‌یوه‌ندیدار مە ئاگاھدار ژی کرنە، لێ چ مفا نه‌بوو و ئه‌و هێز گوهـ ناده‌ت چ ئالییه‌كی.
ڤی وه‌لاتی گۆت: ژیان ل وێ تاخێ ئەوقاس نەخوه‌ش بوویە، ئەگەر نه‌چار نەبی نه‌شێی ل تاخا رزگاری بمینی.
