25 ھەزار مالباتێن عەرەب ل کەرکووکێ ھاتنە بجیھ کرن

25 ھەزار مالباتێن عەرەب ل کەرکووکێ ھاتنە بجیھ کرن

ل گۆر ئاماران، پشتی 16ێ ئۆکتۆبەرا سالا 2017ێ هێرڤە، 25 ھەزار مالباتێن عەرەب ب ئارمانجا عەرەبکرنا ناڤچەیێن کوردستانی ل کەرکووکێ ھاتنە بجھکرن.

ل گۆر ئامارێن بەشا راگھاندنا ئاسایشا کەرکووکێ کو کەتنە دەستێ K24ێ، پشتی 16 ئۆکتۆبەرا 2017ێ هێرڤە، 25 ھەزار مالباتێن عەرەب ب ئارمانجا عەرەبکرنا ناڤچەیێن کوردستانی ل کەرکووکێ ھاتنە بجھکرن و تەڤاھیا مالباتان کارتێن نشتجھبوونێ و فۆرما خوراکێ یێن پارێزگەھا کەرکووکێ بۆ ھاتنە دەرخستن.

ل گۆر ئامارێن بەشا راگھاندنا ئاسایشا کەرکووکێ ژی، د وێ ھەیامێ دا 120 پۆستێن پارێزگەھا کەرکووکێ ژ کوردان ھاتنە ستاندن و ب عەرەبان ھاتنە دایین.

ژ ئالیەکی دی ڤە و ل گۆر زانیاریێن کوردستانێ ژ کۆما 2 ملیۆن و 50 ھەزار دۆنم زەڤیێن چاندنێ یێن کەرکووکێ، ژ پشتی 16ێ ئۆکتۆبەرێ ڤە پرسگرێک ل سەر 1 ملیۆن و 200 ھەزار دۆنم زەڤی ھەنە و حەتا نھا ژی عەرەبێن ھاوردە ب رێیا دادگەھێ 10 ھەزار دۆنم ژ زەڤیێن داقۆق، لەیلان، دوبز و سەرگەرانێ داگیر کرنە.