ل ئۆرمیێ کۆلبەرەک دی ب تەقەیا راستەراستا سوپایێ پاسداران هات کوشتن

ل ئۆرمیێ کۆلبەرەک دی ب تەقەیا راستەراستا سوپایێ پاسداران هات کوشتن

رێخستنا مافێن مرۆڤان یا هەنگاوێ راگهاند، دوهـی رۆژا ئەینی، کۆلبەرەکێ کورد کو بابێ 3 زارۆکانە ل دەما کۆلبەریێ ل سینۆرێ ئۆرمیێ یا رۆژهلاتێ کوردستانێ ب تەقەیا راستەراستا سوپایێ پاسداران هاتە کوشتن.

هەنگاوێ راگهاند، دوهـی رۆژا ئەینی 9ێ تەمۆزێ، هیزێن سوپایێ پاسداران ل دۆلا “بنار” یا سەر ب ناڤچەیا “مەرگەوورێ” تەقە ل هەژمارەکا کۆلبەران کریە و د ئەنجام دا کۆلبەرەک ب ناڤێ “عەبدولعەزیز حاجیپۆر”، تەمەن 43 سالی جانێ خوە ژ دەست دایە.

هەنگاوێ هەر وەها راگهاند، ئەڤ کۆلبەرە ژ مەسافەیەکا گەلەک نێزیک ژ لایێ سوپایێ پاسداران ڤە هاتیە ئارمانجکرن.