گوهه‌رینا ده‌مۆگرافی یا ل عه‌فرینێ تێ كرن ده‌وام دكه، پشتی داگیركرنا ڤێ هه‌رێما رۆژئاڤا كوردستانێ، د ساله‌ك و نیڤان ده، نفووسا كوردان داكه‌تییه 23%.
هات راگهاندن كو د ده‌ما ساله‌ك و نیڤان ده، نفووسا كوردان ل باژارێ عه‌فرینێ یێ رۆژئاڤا كوردستانێ، ب رێژه‌یه‌كه هه‌ری مه‌زن داكه‌تییه و ب سه‌ده‌ما گوهه‌رینا ده‌مۆگرافی یا كو ژ هێلا میلیسێن تركیێ ڤه تێ ئه‌نجام دایین، نفووسا كوردان ژ 90% داكه‌تییه 23%.
د راپۆرا ته‌وان و جینایه‌تێن كو میلیسێن تركیێ ئه‌نجام دانه، خوه‌یا دبه كو د ده‌ما ساله‌ك و نیڤان ده، ئاقووبەتا ھەزار 200 ژنان نەدیارە و ئاگاھی ژ وان ژنان نایێ گرتن.
زێدەتری ھەزار ژن ژی ھاتنە قەتل کرن و ھاتنە تەجاوز کرن، 99 ژی ھاتنە رەڤاندن و دەرباسی گرتیگەھێن ئەعزاز و ترکیێ ھاتنە کرنە.
ئامارێن شەش مەھێن داوی ژی 23 ژن ھاتنە کوشتن، 1 ژن ژی ب دارێ زۆرێ ھاتییە زەوجاندن، 9 ژن ژی ھاتنە تەجاوزکرن.
ده‌وله‌تا تركیێ ئه‌ڤ ده‌ما دوو سالانه هه‌رێما عه‌فرینێ داگیر كرییه، رێخستنا په‌كه‌كێ و هێزێن گرێدای وێ ئه‌ڤ باژار بێ شه‌ر ژ بۆ تركیێ هشت و ژ وێ ده‌مێ ڤه، گه‌لێ عه‌فرینێ كۆچبه‌ر بوونه و یێن كو ل ور ژی مانه رۆژانه سته‌م و زۆرییا میلیسێن تركیێ ژیان دكن.
