کورێن خەلکی دشینن قادێن شەری و کورێن خوە دشینن قۆتابخانەیێن رەژێما سووریێ

کورێن خەلکی دشینن قادێن شەری و کورێن خوە دشینن قۆتابخانەیێن رەژێما سووریێ

پشتی ب داوی هاتنا ئەزموونێن قۆتابیێن سووریێ، ئەنجامێن ڤان ئەزموونان هاتن راگهاندن، یا بالکێش ئاشکەرە بوونا خواندنا زارۆکێن هندەک بەرپرسێن ئیدارەیا خوەسەر د قۆتابخانەیێن رەژێما سووریێ دا بوو، د دەمەکێ دا کو رایەدارێن پەیەدێ هەردەم پەسنا خواندنا ل بن دەستهلاتا خوە دکەن.

ئاشکەرا بوونا سەرکەتنا کورێ خوشکا ئالدار خەلیل د ئەزموون دبستانێن د بن دەستهلاتا رەژیما سووریێ دا کارڤەدانێن گەلێ رۆژئاڤا ل پەی خوە ئانین.

ئاشکەرابوونا سەرکەفتنا کورێ خووشکا ئالدار خەلیل د دەمەکێ دایە کو پێش نها ئالدار خەلیل چەندین جاران پەسنا سیستەما خواندنا ل بن دەستهلاتا رێڤەبەریا خوەسەر دایە، ئالدار ل 12/7/2021ێ ل سەر حەسابا خوە یا فەیسبووکێ نڤیساند، ئەم شۆرەشەک راستین ژیان دکەین کو ل رامانا دەمۆکراتیکا ئازاد دگەریت، یەک ژ ئالیێن وێ یێن هەری گرینگ سەرکەفتنا وێ یا  گرێدایی سیستەما پەروەردەهیێ یە کو ل دەرڤەی چارچۆڤا سیستەمێن کۆلەداریێ هاتنە دانین و رێگرە کو جڤاک د ناڤا نەژادپەرەستیێ دا بهێتە قەبوولکرن و وان ژ رامانێن شۆفینیست دوور دگریت.

ئەڤ ئیدیعایێن ئالدار خەلیل د دەمەکێ دانە کو نەڤیێ وی و کورێ خووشکا وی و زارۆکێن هندەک ژ رایەدارێن رێڤەبەریا خوەسەر ل قۆتابخانەیێن رەژێما سووریێ دا دخوینن.

هندەک ژ گەلێ رۆژئاڤا د سۆسیال مەدیایێ دا باسی ڤێ یەکێ کر و وان نڤیساند، کورێن هەژار و بەلەنگازان ل قادێن شەرێ نە، کورێن بەرپرسان یان د رێکخراواندانە، یان ژی ل ئەورۆپایێ دژین، کورێن هەژار و بەلەنگازان د قۆتابخانێن رێڤەبەریا خوەسەر دا ب زمانێ کوردی دخوینن و کورێن بەرپرسا د قۆتابخانێن رەژێمێ دا و ب زمانێ عەرەبی دخوینن، رێڤەبەریا خوەسەر ب تەنێ قانوونێ ل سەر هەژاران جێبەجێ دکەت.

لیستەیەک ژ ناڤێن زارۆکێن بەرپرسێن رێڤەبەریا خوەسەر کو د قۆتابخانێن رژێمی دا دخوینن

  • کورێ موستەفا بال، بەردەڤکێ فەرمی یێ ھێزێن سووریا دەمۆکرات، ئەزموونێن خواندنا سەرەتایی د سیستەما پەروەردەهیێ یا رێژیمێ دا دەرباس کرن. ئەڤە د دەمەکی دایە کو موستەفا بال پەسنا سیستەما پەروەردەهیێ یا رێڤەبەریا خوەسەر دکەت و وەکی دەستکەفتیەک دیرۆکی ژ بۆ شۆرەشا رۆژئاڤا ب ناڤ دکەت.

  • کورێ ئیبراهیم ئەل-قەتفان، سەرۆکێ پارتیا سووریا یا پێشەرۆژێ ژی د ئەزموونان دا بسەر کەت. دهێتە گۆتن کو ئەل-قەتفان ژ بەر کو هندەک ژ کەسێن سادە و هەژار زارۆکێن خوە شاندنە دبستانێن د بن دەستهلاتا رەژێمێ دا ئەو زیندانی کرنە.

  • کەچا سالح ئەلی، چاڤدێرێ گشتی یێ ئەزموونێن سیستەما پەروەردەهیێ یا رێڤەبەریا خوەسەر، ئەو د ئەزموونان دا سەرنەکەت. تێ باس کرن کو ئەو بوو سەدەما دوورخستنا گەلەک ژ پرۆفیسۆران ژ دەزگەھێن پەروەردەھیێ یێن ل بن دەستهلاتا رێڤەبەریا خوەسەر ب بەهانەیا کو زارۆکێن خوە شاندینە دبستانێن ل بن دەستهلاتا رەژێمێ.

  • نەڤیێ ئالدار خەلیل، کو تێ باس کرن دایکا وی یەک ژ کارمەندێن رێڤەبەریێ یە.

  • کورێ ھومبەر حەسەن، بابێ وی بەرپرسێ ئەنجوومەنا ھەرێما جزیرێ یە، و ھەر وەھا کارمەندێ دارایی یێ وێ یە، ب پشتگریا ئەلدار خەلیل.