ل دێرەزۆرێ ھەسەدێ سەرکردەیەکێ داعشێ گرت

ل دێرەزۆرێ ھەسەدێ سەرکردەیەکێ داعشێ گرت

ھەسەدێ سەرکردەیەکێ داعشێ ل باژارۆکێ ئەل-زرێ ل رۆژھلاتێ دێرەزۆرێ گرت.

ھێزێن سووریا دەمۆکراتیک ب پشتەڤانیا ھەڤپەیمانیا ناڤدەولەتی ل دێرەزۆرێ ئۆپەراسیۆنەک ئەنجام دا.

ل گۆر چاڤکانیەکێ د ناڤا ھەسەدێ دا، د وێ ئۆپەراسیۆنێ دا 2 ئەندامێن داعشێ ل ناڤ مزگەفتا ئەل-زر ل رۆژھلاتێ دێرەزۆرێ ھاتن گرتن.

ژ کەسێن ھاتینە گرتن یەک ھادی ئەل-قزبیرە کو ب ناڤێ ئەبو سومەیە ئەل-ئیراقی دهیتە ناسکرن.

ھەڤپەیمانیا ناڤدەولەتی بەری نھا ب رێیا ھەلیکۆپتەران بەلاڤۆک ئاڤێتبوون سەر ناڤچەیا رۆژھلاتێ دێرەزۆرێ و د وان بەلاڤۆکان دا ھاتبوو گۆتن کو کەسێ کو زانیاریێن ھوور ل سەر قەزبیر ئاشکەرا بکەت دێ ب 20 ھەزار دۆلاران هێتە خەلاتکرن.