ل ئالمانیایێ دێ خوەپێشاندانەک ل دژی پەکەکێ هێتە ئەنجامدان

ل ئالمانیایێ دێ خوەپێشاندانەک ل دژی پەکەکێ هێتە ئەنجامدان

 بریارە ل ئالمانیایێ خوەپێشاندانەک دژی سیاسەتا پارتیا کارکەرێن کوردستانێ (پەکەکێ) برەڤە بچیت.

چالاکڤانا رۆژئاڤایێ کوردستانێ نەورۆز بژۆ د حەسابا خوە یا تایبەت یا تۆرا جڤاکی یا تویتەرێ دا راگەھاند: “خوەپێشاندانا ئیرۆ 17/7/2021ێ ل پێش کۆنسۆلخانەیا ئامەریکایێ ل باژارێ دوسسەلدۆرفا ئالمانیایێ دێ برێڤە چیت.”

بریارە خوەپێشاندەر دەمژمێر 13:00ێ پشتی نیڤرۆ ھەتا 15:00ێ ل باژارێ دوسسەلدۆرفێ دژاتیا خوە ل ھەمبەر سیاسەتا پەکەکێ ب گشتی و سیاسەتا وێ پارتیێ یا ل رۆژئاڤایێ کوردستانێ نیشان بدەن.

نەورۆز بژۆ داخوازا شکاندنا وێ ترسێ دکەت کو پەکەکێ ل دل و دەروونا خەلکی دا چێکری.