خوه‌پێشانده‌ره‌كێ دن ل ئیرانێ هات كوشتن – ڤیدیۆ
خوه‌پێشانده‌ره‌كێ دی ل ئیرانێ هاته كوشتن، پاش كو رۆژا ئه‌ینییا رابووری كوشتنا خوه‌پێشانده‌رێ یه‌كه‌مین هاتییه راگه‌هاندن.
ژ ئینییا رابووری خوه‌پێشاندانێن ل 17 باژار و باژارۆكێن هه‌رێما خۆزستانێ یا ئیرانێ ب سه‌ده‌ما نه‌بوونا ئاڤێ تێن كرن، هه‌یا نها 2 خوه‌پێشانده‌ر هاتنه كوشتن.
ئاژانسا فارس ئیرۆ رۆژا ئێكشه‌مبیێ راگه‌هاند، پاش كو ل ئینییا رابووری گه‌نجه‌ك د ناڤا خوه‌پێشاندانان دت ب گوللـه‌یان هاتییه كوشتن، دوهی خوه‌پێشانده‌ره‌كێ دی ژی گیانێ خوه ژ ده‌ست داییه.
ل گۆری ئاژانسا فارس، ئه‌ڤ هه‌ردوو خوه‌پێشانده‌ر ب گوللـه‌یێن گرووپه‌كێ نه‌ناس كری هاتنه كوشتن.
هه‌روه‌ها ده‌ست نیشان كر، ئه‌ڤ گرووپ دخوازیت كارێن ته‌رۆریستی د ناڤا خوه‌پێشاندانێ دا بكه‌ت و هێزێن ئه‌وله‌هیێ هه‌ولا ده‌سته‌سه‌ر كرنا وان دكه‌ن.
هێژای گۆتنێ یه، ئه‌ڤ ده‌ما چه‌ند رۆژانه ل 17 باژار و باژارۆكێن هه‌رێما خۆزستانێ و هه‌روه‌ها ئه‌هوازێ خوه‌پێشاندان ل دژی حكوومه‌تا ئیرانێ ب سه‌ده‌ما كریزا ئاڤێ تێن كرن، خوه‌پێشانده‌ر سلۆگانێن ل دژی حكوومه‌تێ دبێژن.
