باله‌فران چه‌كدارێن په‌كه‌كێ ل گوندێ بێبادێ بۆمبه‌باران كرن

باله‌فران چه‌كدارێن په‌كه‌كێ ل گوندێ بێبادێ بۆمبه‌باران كرن

چه‌كدارێن رێخستنا په‌كه‌كێ، ئیرۆ ل نێزیكی گوندێ بێبادێ یێ گرێدای پارێزگه‌ها دهۆكێ ل باشوورێ كوردستانێ كه‌تن به‌ر هێرشا باله‌فران و دوو رۆكێت ب نوقته‌یێن وان كه‌تینه‌.

ژێده‌رێن پێگه‌ها داركا مازی ل باشوورێ كوردستانێ ئه‌شكه‌ره‌ كرن، ئیرۆ رۆژا پێنجشه‌مبی 22/7/2021ێ، باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل چیایێ كلیلۆ یێ هنداڤا ئاقارێ گوندێ بێبادێ بۆمبه‌باران كرن.

هێرش ل ده‌مژمێر 9:50 سپێدێ پێكهاتییه‌ و باله‌فران دوو رۆكێت ل نوقته‌یێن په‌كه‌كێ خستینه‌.

رێخستنا په‌كه‌كێ ژ بۆ كو چه‌كدارێن خوه‌ ژ هێرشێن باله‌فران بپارێزیت، لڤ و ته‌ڤگه‌رێن وان خستینه‌ ناڤا گوند و نێزیكی باژارۆكان، ئه‌ڤ یێك دبیته‌ ئه‌گه‌ر كو رۆژانه‌ ئه‌ڤ گونده‌ بكه‌ڤنه‌ به‌ر هێرشێن ئاسمانی و زیان دگه‌هیته‌ وه‌لاتییان.