ئۆتۆمبێله‌كا ئارتێشا تركیێ ل گونده‌وارێ حه‌له‌بێ راستی هێرشه‌كێ هات و د ئه‌نجامێ دا 2 لەشکەر هاتنە کوشتن و 2 ژی بریندار بوونە.
وەزارەتا بەرەڤانیێ یا ترکیێ د داخویانییه‌كێ دا گۆت: دوهـ رۆژا شه‌مبی 24/7/2021ێ ئۆتۆمبێله‌كا وان ل گونده‌وارێ حه‌له‌بێ راستی هێرشه‌كێ هاتییه، هێزێن وان بەرسڤا هێرشێ دانە و دەڤەرا كو هێرش ژێ هاتییه كرن ب توندی هاتیە کرن تۆپباران کرن.
رەوانگەها سووری یا مافێن مرۆڤان ژی بەلاڤ کر، یەکینەیێن پاراستنا گەل یه‌په‌گێ ئۆتۆمۆبیلەکە ئارتێشا ترکیێ ل دەڤەرا حزوان ل باکورێ رۆژهلاتێ حەلەبێ ئارمانج کرییە و هەژمارا کوشتیێن لەشکەرێن ترکیێ ژی گه‌هشتییه 3 لەشکەران.
دیار کر ژی، پشتی هێرشێ ژی، ئارتێشا ترکیێ و گرووپێن چەکدار گوندێن کو د دەستێ یه‌په‌گێ و ئەنجوومەنا لەشکەری یا بابێ دا نە، ب زێدەتر ژ 200 تۆپان تۆپباران کرینه.
