گەلەک دیمەنێن کۆمبوون و مەشان ل ناڤەراستا تەھرانێ ھاتنە بەلاڤکرن کو تێ دا خوەنیشاندەران درۆشمێن دژی حکوومەتێ و رێبەرێ کۆمارا ئیسلامی یا ئیرانێ بلند کرن.
د ھەمان دەمی دا، ل سەر مەدیایا جڤاکی گەلەک ڤیدیۆیێن خوەپێشاندانا پرۆتەستۆیی و مەشا ل کەرەچ، ب درۆشمێن “ژ کەرەچ بۆ خووزستانێ، یەکیتی، یەکیتی” و “مرن ژ بۆی دیکتاتۆری” ھاتنە وەشاندن.
رۆژا دوشەمبێ دانێ نیڤرۆ، خوەپێشاندەر بەر ب جادەیا جمهۆری یا تەھرانێ ڤە مەشیان، بێ ناڤبەر درۆشمێن “مرن ژ بۆی دیکتاتۆری” و “مرن ژ بۆی خامەنەیی، ژ وەلاتێ مە دەرکەڤە.” هاتن بلندکرن.
12 رۆژا پشتی دەستپێکرنا خوەپێشاندانان ل خووزستانێ و بەلاڤبوونا وێ یا ل باژارێن دی، خوەپێشاندانا ل تەھران و کەرەچ دەستپێکرن.
د خوەپێشاندانێن ل ئیرانێ درۆشمەیێن جودا جودا وەکو “نە غەزە و نە ژی لوبنان، جانێ من فەدایێ ئیرانێ”، “مەلا ژ وەلاتێ مە دەرکەڤن”، و “رەزا شاه روحا تە شاد” ھاتن بلندکرن.
میتینگ پشتی قەدەغەیا هاتن و چوونێ بۆ دەما ھەفتەیەکێ یا کو ل تەھرانێ ژ بەر کۆرۆنایێ هاتبوو راگهاندن د رۆژا یەکەم دا هاتە ئەنجام دایین.
