ناتۆ دێ پشتگریێ بۆ ئه‌فغانستانێ به‌رده‌وام كه‌ت

ستۆلتەنبەرگ: ناتۆ دێ پشتگریێ بۆ ئه‌فغانستانێ به‌رده‌وام كه‌ت

سەکرەتەرێ گشتیێ ناتۆیێ یێنس ستۆلتەنبەرگ دیار کر کو هه‌ڤپه‌یمانییا ناتۆیێ دێ پشتگرییا ژ بۆ ئه‌فغانستانێ به‌رده‌وام بكه‌ت.

یێنس ستۆلتەنبەرگ ل ئه‌كاونتا خوه‌ یا تویته‌رێ گۆت: ئەو دگه‌ل سەرۆکێ ئه‌فغانستانێ ئەشرەف غانی ل سەر پشتگرییا ناتۆیێ بۆ وی وەلاتی ئاخڤییە.

ستۆلتەنبەرگ ل ده‌ربارێ پێشڤەچوونێن تالیبانێ دیار کر  كو ره‌وشا ئێمناهیێ ل وی وه‌لاتی پڕ ئالۆزه‌ و ڤێ ره‌وشێ پێدڤی چاره‌سه‌رییه‌كا دپلۆماسی و دانوستاندنێ هه‌یه‌.

سه‌كره‌ته‌رێ ناتۆیێ دا زانین کو ناتۆ دێ د وارێ ئابووری و مه‌شقێ دا پشتگرییا بۆ ئه‌فغانستانێ به‌رده‌وام بكه‌ت.

هێژای گۆتنێ یه‌، هێزێن ئه‌مه‌ریكی پشتی 20 سالان ژ مانا وان ل ئه‌فغانستانێ، بریاره‌ ل د 11 ئیلۆنێ ب تەمامی بهێن ڤه‌كێشان، تالیبانێ پشتی كو ئه‌مه‌ریكایێ دەست ب ڤه‌كێشانا هێزێن خوە یێن ل ئه‌فغانستانێ کر هێرشێن خوە زێدەتر کرینە.