ھاتە راگھاندن کو تەڤگەرا تالیبانێ رۆژا چارشەمێ راگھاندیە کو شاندەکا وان یا ژ 9 ئەندامان پێک دهێت، سەردانا چینێ کریە و ل گەل وەزیرێ دەرڤە کۆم بوونە.
ل گۆری راگھاندنا ئاژانسا رویتەرسێ، وێ شاندێ ژ بۆ گۆتووبێژکرنا سەر دانووستاندنێن ئاشیتیێ و دۆزێن ئەولەھیێ ب داخوازەکا فەرمی سەرەدانا چینێ کریە.
بەردەڤکێ تەڤگەرا تالیبان محەمەد نەعیم ل سەر حەسابا خوە یا تویتەرێ گۆتیە: “سیاسەت، ئابۆری و مژارێن گرێدایی ئەولەھیا ھەر دو دەولەتان، رەوشا ھەیی ل ئەفغانستانێ و خەباتا ئاشتیێ د جڤینان دا ھات گۆتووبێژکرن.”
نەعیم گۆتیە، شاندا تالیبانێ لگەل نوونەرێ چینێ یێ تایبەت ژ بۆ ئەفغانستانی کۆم بوویە.
بەردەڤکێ وەزارەتا دەرڤەیا چینێ ژی راگھاندیە کو دپلۆماتیکێ چینێ یێ مەزن ل گەل نوونەرێن تالیبان دا ل باژارێ تینژنا باکورێ چینێ کۆم بوویە.
