ھاتە راگھاندن کو ب ناڤبەینکاریا ئامەریکایێ دانووستاندنێن د ناڤبەرا ئەنجوومەنا نشتیمانی یا کورد ل سووریێ (ئەنەکەسێ) و پارتییا یەکیتیا نشتیمانی یا کورد (پەیەنەکێ) کو ب سەر پەیەدێ ڤەیە پشتی دەمەکێ درێژ ب ناڤبەینکاریا ئامەریکایێ ژ نوو ڤە دەست پێ دکەن.
ئەندامێ دەستەیا رێڤەبەریا ئەنەکەسێ عیماد برھۆ ژ بۆ مەدیا کوردستانێ راگھاند کو دانووستاندنێن ئەنەکەسێ و پەیەنەکێ دیسا دێ دەستپێکەن و گۆتیە، دانووستاندنێن ھەنێ دێ دەستپێکا ڤێ مەھێ و ب ناڤبەینکاریا ئامەریکا دەست پێ کەن.
ھات دیارکرن کو ناڤەرۆکا ھەڤدیتنێن ڤێ جارێ بەشداربوونا ئەنەکەسێ د رێڤەبەریا خوەسەر دا و ڤەگەرا پێشمەرگەیێن رۆژ بۆ رۆژئاڤایێ کوردستانێ یە.
عیماد برھۆ دایە خویاکرن، دڤێت بەریا دەستپێکرنا دانووستاندنان پەیەدە گرتیێن وان کو 14 کادرۆ و مەدیاکارێن بەردەت و بارەگەھێن ئەنەکەسێ یێن کو ھاتنە گرتن ژی بێنە ڤەکرن دا کو ئەندامێن ئەنەکەسێ بکارن ئازادانە خەباتا خوە ئەنجام بدەن.
