ل کەرکووکێ چەکدارێن داعشێ ئێریشی سەر خالەکا پۆلیسێن فەدەرالی کر

د ئێریشەکا چەکدارێن داعشێ ل پارێزگەھا کەرکووکێ دا، 2 پۆلیسێن فەدەرالی ھاتن کوشتن و 2 پۆلیسێن دی ژی بریندار بوون.

ژێدەرەکێ ژ ئەولەھیا پارێزگەھا کەرکووکێ راگھاند،  ئیرۆ بەربانگێ ھەژمارەک چەکدارێن داعشێ ئێریشی سەر بنکەیەکێ پۆلیسێن فەدەرالی ل گوندێ ئەسفەرێ ل ناحیا رەشاد ل کەرکووکێ کر.

وی ژێدەری دیار کر ژی، د ئەنجاما ئێریشێ دا، 2 پۆلیسێن فەدەرالی ھاتن کوشتن و 2 پۆلیسێن دی ژی بریندار بوون. ھەروھا چەکدارەکێ داعشێ ژی ھات کوشتن.

وی ژێدەری دەستنیشان کر، ل چەند ناڤچەیێن دی یێن پارێزگەھا کەرکووکێ، 4 جھ و 2 تونەلێن داعشێ ھاتن تەقاندن و 3 چەکدار ژی ھاتن دەستەسەرکرن.