هاریکارێ وەزیرێ دەرڤە یێ ئه‌مه‌ریكا بۆ کار و بارێن رۆژهلاتا ناڤین رادگه‌هینیت، هێژان شنگال د بن دەستێ حه‌شدا شه‌عبی و په‌كه‌كێ دا یە.
جووی هوود د چارچۆڤەیا بەشدارییا د ڤیدیۆکۆنفەرانسەکێ دا ب بۆنەیا سالڤەگەرا کۆمکوژییا شنگالێ راگه‌هاند، شنگال هێژان د بن دەستێ حه‌شدا شەعبی و په‌كه‌كێ دا یە و د ڤێ رەوشێ دل ژی، چ کۆچبەرەک ناخوازیت ڤەگەریت سەر جهـ و وارێ خوە.
وی بەرپرسێ بلندێ ئه‌مه‌ریكا دیار کر ژی: هەر دەما هێزێن ئەولەهیێ یێن خوەجهی ل شنگالێ هاتن دامه‌زراندن، ئه‌مه‌ریكا ئامادەیە راهێنانێ ب وان بكه‌ت، لێ ئەم نه‌شێن وان هێزان چێكه‌ین، دڤێت حکوومەتا ئیراقێ یا ناڤەندی وی کاری بکەت».
ئەڤ د دەمەکێ دا یە، ئیرۆ سالڤەگەرا هەفتەم یا ئێریشا داعشێ ل سەر شنگالێ یە کو تاوانێن هۆڤانە ب سەر خەلکێ وێ كرن، مێر و جوان کوشتن و ژن و کەچ رەڤاندن و ل بازارێن مووسل، رەقا و هنده‌ك ناڤچەیێن دی فرۆتن. هەروه‌ها ب هەزاران ژی خەلکێ شنگالێ کۆچبەر بوون.
