ھێزێن ئارتێشا ترکیێ، ل ھەرێما عەفرینێ یا رۆژئاڤایێ کوردستانێ، 35 مالباتێن کورد یێن کو دخواستن ژ ناڤچەیا شەھبایێ ڤەگەرن گوندێن خوە گرتن.
ل گۆری چاڤکانیەک خوەجھی، شەڤا پێنجشەمبێ، کۆما فەیلەق ئەل-شام ھەول دابوو 15 مالباتان ژ گوندێ بەرادێ د رێیا برج ئەڤدالۆ دا ب قاچاخی بگھیننە عەفرینێ. د ھەمان شەڤێ دا، چەکدارێن کۆما ھەمزات ل گوندێ کیمارێ ھەول دابوون 20 مالباتان ب قاچاخی دەرباسی عەفرینێ بکەن.
ھەروھا ل گۆری ھەمان چاڤکانیێ، ھێزێن ئارتێشا ترکیێ ھەر دو کۆم گرتینە و ئەو 35 مالباتێن کورد د قۆتابخانەیا گوندێ کیمارێ دا حەبس کرنە.
ل ئالیێ دی ل گۆری چاڤکانیەک خوەجھی، شەڤا بۆری، د ئەنجاما گولبەردانا بێسەرووبەرا کۆمێن چەکدار ل ناڤ باژارێ عەفرینێ زارۆکەکێ کو تەمەنێ وی سال و نیڤە بریندار بوویە و ناڤێ وی زارۆکی عەبدولقادر حاج عۆمەرە و خەلکێ باژارۆکێ مەئارەت ئەل-ئارتیقە ل گوندەوارێ حەلەبێ و مالباتا وی ل عەفرینێ نشتەجیە.
زارۆکێ بریندار بۆ نەخوەشخانەیەکا عەفرینێ ھاتیە راکرن و برینا وی ھاتیە دەرمانکرن.
