رێڤەبەرییا کەشناسیێ د داخویانیەکێ دا راگه‌هاندبیە کو ئەو پێشبینی دکه‌ن بارانەکا زێدە ل وانێ و دەردۆرا وێ و جۆلەمێرگێ بباریت و هشیاری دا وەلاتییان کو خوە ژ کارەساتێن وەک لەهی، برووسک و بایێ بهێز بپارێزن.
ل گۆری رێڤەبەرییا کەشناسیێ کو ناڤەندا وێ ل وانێ یە، تێ پێشبینی کرن کو ل سەرانسەری ناڤچەیێ ژ دەمژمێرێن نیڤرۆ و شوون دا دەم ب دەم باران بباریت و برووسک ڤەدن.
رێڤەبەرییا کەشناسیێ پێشبینی دکەت ئەو باران ل ناڤەندا پارێزگەها وانێ و دەردۆرا وێ و هەروه‌ها ل باکورێ پارێزگەها جۆلەمێرگێ ب ئاوایەکی بهێز بباریت و دبێژیت پلەیێن گەرمایێ ژی ل ناڤچەیێ وێ ژ دەما خوە یا ئاسایی کێمتر ببن.
رێڤەبەرییا کەشناسیێ دەربارێ بارینا بارانێ ل وان هەردو پارێزگەهێن باکورێ کوردستانێ دا هشیاریێ دده‌ته وەلاتییان و دبێژیت، تێ پێشبینیکرن کو ل پارێزگەها وانێ و دەردۆرا وێ و باکورێ پارێزگەها جۆلەمێرگێ بارانەک بهێز بباریت، لەورا دڤێت ل هەمبەر لەهیان، برووسک و بایێ بهێز تەدبیرێن پێویست بهێن وەرگرتن.
رۆژا 28ێ تیرمەهێ ژی، ل ناڤچەیا ئەلباکێ یا سەر ب وانێ و ل گەڤەرێ لەهیەکاب بهێز راببو و زیانه‌كا زێدە گه‌هاندبوو خەلکێ وان ناڤچەیان.
