چه‌كدارێن رێخستنا په‌كه‌كێ كچه‌كا زارۆك ژ باژارێ قامشلۆ یێ رۆژئاڤایێ كوردستانێ ره‌ڤاند و به‌ر ب جهه‌كێ نه‌دیار برنه، مالباتا وێ ژی ل دووڤ كچا خوه د گه‌رن.
چاڤكانیێن پێگه‌ها داركا مازی ل رۆژئاڤایێ كوردستانێ ئه‌شكه‌ره كر، چه‌كدارێن رێخستنا ب ناڤێ «جوانێن شۆره‌شگه‌ر» یا گرێدای په‌كه‌كێ، به‌ری 10 رۆژان كچه‌كا ته‌مه‌ن 15 سالی ژ تاخا ب ناڤێ ته‌ی یا باژارێ قامشلۆیێ ره‌ڤاندنه، مالباتا وێ ژ بۆ كو ئاگاهییه‌كێ ژ چاره‌نڤیسا كچا خوه بزانن، ل سازیێن ئه‌وله‌هیێ ل دووڤ كچا خوه دگه‌رن.
ده‌ست نیشان كر، ل رۆژا 7 ڤێ مه‌هێ، مالباتا وێ كچێ زانین كو ئه‌و ژ هێلا رێخستنا «جوانێن شۆره‌شگه‌ر» ڤه هاتییه ره‌ڤاندن.
ئەو كچ ب ئەسلێ خوە عەرەبە و چەکدارێن جوانێن شۆرەشگەر رەد کرنە کو وێ رادەستی مالباتا وێ بکه‌ن.
رێخستنا په‌كه‌كێ ژ بۆ چێكرنا شه‌رڤانان، پشتبه‌ستنێ ل سه‌ر ره‌ڤاندنا زارۆكان ژ هه‌ر چار په‌رچه‌یێن كوردستانێ دكه‌ت، ڤان زارۆكان دهنێریته قه‌ندیل و شنگالێ و ب ده‌ستێ عه‌سكه‌رێ ترك دده‌ته كوشتن، ئه‌ڤ یێك ژی ژ هێلا رێخستنێن ناڤده‌وله‌تی یێن پاراستنا مافێن زارۆكان ڤه هاتییه ته‌سبیت كرن.
